ഓര്‍മ്മകള്‍
----------------
മുത്തു മണികളായി മഴ തുള്ളികള്‍,
വാരിയെടുക്കാന്‍ ഓടി നടന്ന
അവളുടെ കണ്ണിലെ കൗതുകം
നിറഞ്ഞു പെയ്യുന്ന മഴയെക്കാള്‍ സുന്ദരം.
ഇന്നെന്‍റെ ഓര്‍മകളില്‍
നിന്‍ കുപ്പി വളകള്‍ പൊട്ടി ചിതറുന്ന രോദനം
ചുവപ്പു ചന്തം വിതറി,
നീ അസ്തമിക്കുമ്പോള്‍
തിരകളില്‍ മണ്‍ തരികള്‍
പാദങ്ങളില്‍ തട്ടി ചിതറുന്നു, നൊമ്പരമായ്.
ഓര്‍മകളുടെ ക്യാന്‍വാസില്‍
ചിത്രം വരയ്ക്കാന്‍ ചാലിച്ച,
ചായ കൂട്ടുകള്‍ കണ്ണീരില്‍ കുതിര്‍ന്നു വികൃതമായ്.
കുഴിവെട്ടി ഓര്‍മ്മകള്‍ മൂടുവാന്‍
ഒരുങ്ങുമീ ഹൃദയം,മണ്ണിട്ടു മറയ്ക്കുവാനകാതെ,
ആളി പടരുന്നു പ്രിയേ...
നഷ്ട സ്വപ്‌നങ്ങള്‍ മിന്നി തെളിയുന്നു,
നക്ഷത്രങ്ങളായ് നിറം മാഞ്ഞെന്‍..കണ്ണുകളില്‍.
ഇറ്റി വീഴുന്ന മഴത്തുള്ളികള്‍,
ഓര്‍മ്മ പെടുത്തലായ് പിന്നെയും..
പ്രതികരിക്കാന്‍ തളര്‍ന്നൊരീ..
ഹൃദയത്തിലെ അവസാന തുടിപ്പും,
വീണ്ടും നിന്നിലേക്ക്‌ ....പ്രിയേ....
nice..........
ReplyDelete